Янгиликлар

29.05.2025

20 майдан 20 июнга қадар "Хавфсизлик техникаси кўрик ойлиги"

"ҲЕТ" АЖ Наманган ҳудудий филиалининг шаҳар, туман эълектр таъминоти, барча хизмат ва бўлимларида меҳнатни муҳофаза қилиш, хавфсизлик техникаси бўйича ишларни самарали ташкил этиш, бахтсиз ҳодисаларнинг олдини олиш ва жароҳатланиш даражасини пасайтириш бўйича профилактика ишларини кучайтириш ҳамда "Ҳудудий электр тармоқлари" АЖ нинг 2025 йил 19 майдаги тегишли буйруғига асосан 20 майдан 20 июнга қадар "Хавфсизлик техникаси кўрик ойлиги" ўтказилмоқда.

Ойлик доирасида Уйчи туман электр таъминоти корхонасида ўқув-машқи ўтказилди. Унда "ҲЕТ" АЖ Наманган ҳудудий филиали меҳнатни муҳофаза қилиш ва хавфсизлик техникаси хизмати бошлиғи К.Зиёвиддинов қатнашиб, тегишли тавсияларни берди.

29.05.2025

Уйчи туман маданият марказида Чортоқ, Янгиқўрғон, Учқўрғон, Норин, Уйчи туманларида ташкил этилган отядларга бириктирилган масъуллар ва туман ҳокимининг ўринбосарлари, ўрим-йиғимни ташкил этишга масъул бўлган вилоят мутасаддилари иштирокида 2025 йил ғалла ҳосилини ўриб-йиғиб олиш, мавсумга пухта тайёргарлик кўриш мақсадида учрашув йиғилиши ўтказилди.

Унда Ўзбекистон Республикаси Ички ишлар вазири ўринбосари С.Нишонбоев, вилоят ҳокимининг ўринбосари А.Ҳакимовлар қатнашиб, навбатдаги вазифаларни белгилаб беришди.

Маълумот учун, Уйчи туманида жорий йил ҳосили учун етиштирилган 21397 тонна ғалла ўрим-йиғимида 23 та дон ўриш комбайни иштирок этади. Шу боис 23 та ўрим отряди ташкил қилиниб, ҳар бир отрядга 1 нафардан отряд раҳбари, комбайн оператори, ички ишлар, фавқулотда вазиятлар ходими ва ер тузувчи, етиштирилган ғалла ҳосилини дон корхонаси омборларига ташиш учун дон ўриш комбайнига 5 тадан автомашина бириктирилган.

Уйчи тумани ҳокимлиги Ахборот хизмати.

29.05.2025

Aholini ro‘yxatga olish – nafaqat davlat uchun balki barcha fuqarolar uchun ham zarur!O‘ylab ko‘ring: siz yashayotgan mahallada maktab yetishmaydi, shifokorlar kam, transport qatnovi kamdan-kam. Shu muammolarning asosiy sababi nimada deb o‘ylaysiz?Yechim shunda: aholini ro‘yxatga olish!Bu qanday foyda beradi?🏥 1. Shifoxona kerakmi? Shahar yoki qishloq bo‘lishi farq qilmaydi!Agar aholining soni, yoshi va sog‘lig‘i haqida aniq ma’lumot bo‘lsa, qayerga qanday shifoxona kerakligi aniqlanadi. Masalan, keksalar ko‘p yashaydigan hududga yurak va qandli diabet shifoxonasi kerak. Bolalar ko‘p bo‘lsa – pediatrlar soni oshiriladi.📚 2. Bolalar maktabda siqilib o‘tiryaptimi?Ro‘yxatga olish orqali yoshlar soni, maktabga boradiganlar soni ma’lum bo‘ladi. Natijada, yangidan maktablar quriladi, o‘qituvchilar soni ko‘paytiriladi. Har bir bola qulay sharoitda o‘qiydi.🚌 3. Jamoat transporti kammi?Aholining zichligi va harakatlanish yo‘nalishlari tahlil qilinadi. Shunga qarab avtobuslar soni ko‘paytiriladi, yangi yo‘nalishlar ochiladi. Ro‘yxatga olish sizga tezroq va qulayroq manzilingizga yetib borish imkonini beradi.💸 4. Davlat yordamidan kimlar foydalanadi?Ayniqsa, kam ta’minlangan oilalar, yolg‘iz keksalar va nogironligi bo‘lgan fuqarolar haqida aniq ma’lumot kerak. Ro‘yxatga olish orqali yordam kimga kerakligini aniqlash osonlashadi, yordam bevosita sizga keladi.🏘 5. Yangi uylar, yangi imkoniyatlar!Aholi soni oshsa – uy-joyga ehtiyoj ham oshadi. Ro‘yxatga olish bu ehtiyojni aniq ko‘rsatadi. Yangi uylar, arzon ipoteka loyihalari – barchasi sizning ishtirokingizga bog‘liq.Bu jarayon xavfsiz va maxfiy!Siz haqingizdagi ma’lumotlar hech qayerda e’lon qilinmaydi. Faqat raqamlar sifatida qayd etiladi. Ismingiz, manzilingiz, shaxsiy ma’lumotlaringiz maxfiy saqlanadi.

Xulosa: bu ish sizsiz bo‘lmaydi!Siz ro‘yxatdan o‘tsangiz – davlat sizning qayerda, qanday yashayotganingizni biladi. Bu esa siz uchun qulaylik, farzandlaringiz uchun imkoniyat, mahallangiz uchun yangi infratuzilma demakdir!________________________________________📣 Ro‘yxatga olish bu – siz uchun, oilangiz uchun, kelajagingiz uchun!Mustaqillikda ilk bor o'tkazilishi rejalashtirilayotgan Aholini ro'yxatga olish tadbirida faol ishtirok eting!!

27.05.2025

Уйчи тумани маҳаллаларида O’zLiDeP туман кенгаши ташаббуси билан “Ишбилармон аёл - 2025” кўрик-танловининг саралаш босқичи ўтказилмоқда.

“Янги Ўзбекистоннинг бунёдкор аёллари” шиори остида “Ишбилармон аёл-2025” кўрик-танловнинг навбатдаги саралаш босқичи Баландариқ МФЙда бўлди. Ушбу тадбирда ишчи гуруҳи томонидан "Dream Fastory" МЧЖ раҳбари Одинахон Абдуллаеванинг фаолияти ўрганилди. 5 йилдан буён фаолият юритаётган ушбу тикувчилик цехида 16 нафар хотин-қизнинг доимий бандлиги таъминланган. Бундан ташқари, 40 нафар касаначи хизмат қилади. Бу ерда асосан ишлаб чиқариш қўлқоплари тикилиб, Россия давлатига экспорт қилинади. Ишчиларнинг қулай ва хавфсиз ишлаши учун барча шарт- шароитлар яратилган. Аёллар ишбай усулида 3-6 миллион сўмгача даромад олиб, оилалари фаровонлигини таъминлашмоқда.

Тадбиркор О.Абдуллаева фаолияти эътироф этилиб, маҳалла ҳудудида танлов ғолиби, деб топилди.

27.05.2025

Халқ депутатлари Наманган вилоят Кенгаши раиси Солижон Мўминов халқ депутатлари Уйчи тумани Кенгаши котибиятида намунали Кенгаш фаолиятини ташкил этиш бўйича амалга оширилаётган ишлар билан танишди.

Туман Кенгаши раиси Ш.Мусаев, Кенгаш котибияти мудири Н. Дедаханова олиб борилаётган ишлар ва навбатдаги режалар ҳақида маълумот беришди.

Ўрганиш давомида меъёрий ҳужжатларнинг юритилиши, депутатлар фаолияти, хоналарни сифатли таъмирлаш билан бирга, зарур шарт-шароитларни яратиш ва жиҳозлаш бўйича фикрлашиб олинди.